استغل الاجازه صح 👌 _ رجعنالكم بدرس راااائع 🌹 _ م/ علاء حامد

## التفكر في الأحداث اليومية

الحمد لله وأشهد أن لا إله إلا الله وحده لا شريك له، وأشهد أن محمدًا عبده ورسوله، صلى الله عليه وسلم. أهلا وسهلا بكم سنة جديدة ودروس جديدة، ربنا يتقبل منا ومنكم صالح الأعمال، ربنا يوفقنا ويثبتنا وإياكم، ما يحرمناش من المجالس الطيبة دي. طبعا أغلبكم خلص امتحانات وخلص رمضان، وخربتوها وباظت، جايين بقى ليه؟ فين الدرس؟ هو ده المطلوب إن انتوا تيجوا، إن شاء الله كده إيه؟ نرجع أحسن من الأول بكتير. في حد لسه خلص امتحانات؟ أظن أكيد ما جاش يعني النهارده، لو ما خلصتش امتحانات يبقى أكيد هو مش موجود، بس أظن تقريبا كله خلص امتحانات مش كده؟ عموما النهارده هنتكلم في درس لطيف كده مهم أوي وهيمس كل واحد فينا، بس عايز أقدم له مقدمة كده بسيطة الأول وهي إن الإنسان ضروري أوي، المؤمن طبعا ضروري أوي في حياته إن هو ما يعديش أي حدث كده قدامه بيحصل يمر كده بدون عبرة وبدون فائدة. يعني المؤمن مش بس يعني عايش في الحياة كده بيفكر بس يصلي ويصوم وكده، لا، المؤمن ما بيعديش حاجة إلا ويجد فيها عبرة وآية. مفيش حتى المواقف العادية اللي بتحصل في حياته أو المواقف اللي بتحصل لغيره دماغه بتروح في حتت تانية من غير الناس، الناس ممكن موقف بينتهي عند اللقطة دي. هو ليه فكرة وليه عبرة وليه بيسرح فيها في حاجات بيربطها بمعاني شرعية دايما. فمن أعظم أعمال المؤمن عموما التفكر. التفكر دايما لما بيتكلموا فيه بيتكلموا طبعا يعني لما بيتكلموا في عبادة التفكر أول ما بيجي على بالك مثلا التفكر في الجنة، النار، قصص الأولين، مصارع الظالمين، تفكر في المعاصي السيئات، عاقبة الذنوب، الكلام ده كل دي مجالات بيسموها مجالات التفكر، أي حد بيدي درس في التفكر بيتكلم غالبا في المجالات دي، لكن أنا عايز أقول إن التفكر لازم انت تكون دماغك أوسع من كده، يعني التفكر يشمل كل ما يحصل لك أو يحصل لغيرك، هو مجال من مجالات التفكر، أحداث اليوم العادية، موقف شفته في شارع، موقف حصل لك في المواصلات، حاجة شفتها يعني، حتى كان السلف ممكن ياخدوا عبرة من حيوان، عمل حاجة مع حيوان تاني ممكن يحولها ويترجمها لعبرة وعظة. فالمؤمن ده حاله كده، دائم التفكر، الفكر ده مش بيتكلفه، إن هو بيبقى خلاص حاجة عادة فيه، ما يقدرش يعدي حاجة بسلام وأمان كده، لازم تتحول عنده المعنى، لازم تتحول عنده لرؤية، لازم تتحول عنده لفائدة لموعظة، لعبرة. عشان كده وهد بن منبه كان يقول ما قالت فكرة امرأ قط، يعني لو واحد فكر كتير إلا وفهم، طالما بيفكر لازم بتتجدد عليه المفاهيم، وما فهم امرؤ قط إلا علم، يبتدي يطلع بعلم، وما علم امرؤ قط إلا عمل، يعني عايز يقول إن الفكر بيوصل للإيه؟ لعمل، الفكر لو موصلش لعمل يبقى إيه؟ يبقى ده فكر سلبي ملوش أي قيمة، لازم يتحول لعمل، ما ولو عمل قلبي مش ضروري يبقى عمل بدني، خشية، رجاء، مراقبة، حب لله تعالى، شكر، حمد، أي حاجة، لذلك كان أبو سليمان الداراني بيقول كلمة رهيبة بيقول إني لأخرج من منزلي، إني لأخرج من منزلي فما يقع بصري على شيء، أي شيء ما يقع بصري على شيء إلا رأيت لله علي فيه نعمة أو رأيت فيه عبرة، مفيش حاجة بتعدي عليا كده، أبو سليمان الدراني بيقول عمري ما أخرج من بيتي إلا وعيني ما تيجي على حاجة إلا وأطلع منها بعبرة، يا عبرة يا نعمة يا شكر يا رجاء يا خوف لازم أطلع بحاجة، لكن مفيش حاجة بتعدي عليا كده، هو ده المؤمن، والتفكر ده بقى المداومة عليه بتتحول عندهم لعلم زائد، والعلم يتحول بعد كده لإيه؟ لعمل، عشان كده التفكر وقود العمل، دايما أكثر الناس تفكرا هم أكثر الناس عملا. عشان كده الحسن البصري كان بيقول لي تفكر ساعة خير من قيام ليلة، ليه؟ الإنسان لو قام ليله كده بدون تفكر عادي، أنا طلبت معي قوم الليل فقام الليل، هتقوم ليله ليلتين ثلاثه ممكن تكسر، لكن لو تفكرت ساعة في أحوال الدنيا وقصرها وحقارتها، وتفكرت في الآخرة وشرفها والجنة ونعيمها والنار وعذاب أهلها، وتفكرت في مصيرك، وتفكرت في الوقت وأهمية الوقت وخطوره استغلال عمر وقصر الدنيا والموت يأتي بغتة، ممكن قيام الليل ده ما تقطعهوش أبدا، بسبب إن انت قبل ما تقوم تفكرت إيه؟ ساعة، عشان كده تفكر ساعة خير من قيام ليلة، ذلك إن أحد السلف كان يتفكر قبل ما يشتغل، كان يتفكر قال جلست أتفكرت في الجنة والنار، قال دخلت الجنة ويعني رأيت جلست في بساتينها ولعبت بأبكارها وأكلت من وشربت من شرابها ومش عارف إيه، قعد يتخيل حاجات كده، قال ثم أدخلت نفسي النار، أعانق سلاسلها وأقاسي سلاسلها وأغلالها، ثم قلت في نفسي يا نفس أي شيء تريدين وأي مصير تحبين، فقالت أريد الجنة، قال فاعملي لها إذا، متخيل هو وصل بالفكر ليه؟ يعني انت لازم دايما تكون مشغل مخك إيه؟ مش هقول لك في الجنة والنار زي ما ده العالم مش هتكلم النهارده في الجنة والنار، لكن طبعا مجال التفكر في الجنة والنار مجال عملاق مجال رهيب، لكن أنا ممكن النهارده أخش في إيه؟ في حتة تانية هتعجبكم إن شاء الله. فإذا أنا بتكلم النهارده إن أحداثي اليومية لازم تكون محل للعبرة عليه والفكرة، فلو أن أنا أسألنا مثلا إيه هو أهم حدث حصل لك الفترة اللي فاتت دي؟ هتقول لي كأس الأمم الأفريقية عشان يعني نبتدي السنة صح عشان نبتدي مع بعض كويسين يعني، طبعا كأس الأمم الأفريقية حدث جلل هو مجال مجالات التفكر، ولينا فيه عبرة وعزة وهيجي هيجي يومه متقلقوش يعني، مفيش حاجة بتعدي أصلا لازم لازم تطلع بالفوايد، الناس في شأن وأنت ليك شأن آخر، هما فرحانين بالأجوان والأهداف والأسعار واللعيبة، أنت دماغك في حتة تانية، أنت شايف عبر كتير ومواعظ كتير في المواقف دي، لكن أكيد أهم أخطر حدث حصل لكم في حياتكم الفترة اللي فاتت الامتحانات بس يعني مش محتاجة يعني، انتوا للدرجة دي طالعين ما بتفهموش أوي يعني يعني دول كام؟ أنا حاسس إن في ناس بتبص لي متمنحة، أنا مش هامتحنك والله ما فيش كويز ما فيش حاجة، أنت أنت في سلام وأمان ما تقلقوش، حاسس إن انتوا مرعوبين يعني طالعين من رعب ولسه ما فقتوش من صدمة يعني، انت في المسجد تقلقش، أكيد الامتحانات هي أكبر مجال أو أكبر حدث حصل لك، الامتحانات دي مجال ضخم جدا للتفكر، بس أنا قبل ما أحول الامتحانات بتاعتك دي إلى عبر وعظات ومواقف عايز أديك نموذج للتفكر، أنا عايز أوصل لإيه؟ التفكر ده يعني انت بتتأمل في حدث تطلع منه فكرة تحول الفكرة دي لعمل على طول هو ده التفكر السليم، ده مسار التفكر السليم، عشان كده أديكوا دلوقتي مثال من أمثلة التفكر يمكن قصة تكون مشهورة شوية بعضكم عارفها يمكن بعضكم مش عارفها بس أنا مش هقف معاها كتير، أنا ممكن أسردها كده بس عايز أديك نموذج يعني إيه الواحد يتفكر في الأحداث اليومية يتحول عنده ده لشأن آخر خالص غير الناس، في راجل من السلف مشهور أوي اسمه حاتم الأصم، حاتم الأصم ده من سادات السلف ومن العباد ومن المشاهير يعني، كان ليه شيخ كده اسمه شقيق البلخي، شقيق البلخي ده الشيخ بتاع حاتم الأصم، حاتم الأصم فضل مع شقيق البلخي 30 سنة، 30 سنة اتعلم منه، المهم شقيق البلخي قال لحاتم الأصم في يوم قال لقد صحبتني 30 عاما، فماذا تعلمت مني؟ قال تعلمت منك ثمان مسائل، قال 30 سنة تتعلم مني ثمان مسائل، قال اسمع مني يعني شوف أنا هقول لك إيه، لا اتعلمت مسائل خطيرة جدا، المسائل دي حياتي كلها اتغيرت بسببها، اتعلمت منك الكلام دوت، فقال له بقى إيه ثمان مسائل، خد بقى الكلام بتاعه عشان كل ده هنقول هنرجع تاني على الامتحانات ونحول الروشتة دي لروشتة تانية خالص بس انت اللي هتقولها، حاتم الأصم هيقول إيه؟ قال تفكرت في الخلق، قال له المسألة الأولى، تفكرت في الخلق فرأيت كل واحد رأيت بص هو بيتفكر إيه بيبص للناس بيتفكر وبيشوف أحداث الدنيا العادية قال رأيت كل واحد يحب محبوبا، أي حد بيحب امرأته بيحب أولاده بيحب فلوس أي حاجة، فاذا ذهب إلى القبر فارق محبوبه، دائما الناس بتتألم بسبب إن هو دائما المحبوب بيتركه وبيخش القبر، قال فجعلت حسناتي محبوبتي، فاذا دخلت القبر دخلت معي، بحيث إن أنا لما اخش القبر الحاجة اللي بحبها تيجي معايا، مفيش حد في الدنيا بيحب حاجة بتروح معاه القبر إلا أنا، أنا فهمت اللعبة دي خلاص، جعلت حسناتي هي أحب شيء إلي، أكثر حاجة بحبها حسناتي، وبالتالي لما اخش القبر مش هضيع منه، هو بدأ تفكره في إيه؟ في أحوال الناس، الناس بتحب حاجة ما بيحبوش إن هي يخسروها، ما بيحبش إن هو يعني بيزعل قوي لما الناس تموت عشان بيفارق، لا أنا بقى مش هفارق، بيقول نمرة اثنين تفكرت في قول الله تعالى: