قصة ناس عاشوا مع القرآن _ هتسمع قصص كأنها خيال 🥰 _ م علاء حامد

##

الحمد لله وأشهد أن لا إله إلا الله وحده لا شريك له وأشهد أن محمدًا عبده ورسوله صلى الله عليه وسلم، أما بعد، أهلا ومرحبا بكم في لقاء جديد ولايف جديد من لايفات يوم الاثنين. وكان آخر لايفات كنا اتكلمنا فيها عمومًا عن القرآن، عن كيفية حفظ القرآن، عن كيفية مصاحبة القرآن، لكن النهارده أنا جاي أتكلم في التطبيق العملي بقى، الواقع العملي، أننا لو صاحبت القرآن كيف ينبغي أن يكون حالي؟ يعني إيه هو الأثر المرجو اللي المفروض يحصل فيا إذا أنا صاحبت القرآن فعلاً؟ كنا اتكلمنا المرة اللي فاتت أن صحبة القرآن ليست مسألة إن أنت بتقرأ كتير أو إن أنت بتحفظ أو إن أنت بتجود، وإنما الصحبة إن أنت فعلاً تكون يعني بتستغني بالقرآن، عايش معاه، بتحبه جداً، ملازمه صباح مساء، بتتفاعل مع أوامره، بتعيش مع قصصه فعلا واخده منهج حياة حقيقي، بتدور على حاجة تعملها، بتدور على اتباع، بتدور على عمل لغاية ما معاني القرآن فعلا تختلط بلحمك وعظمك، بقيت أنت قرآن من كتر ما أنت مثلا حافظ كويس، مع إنك أنت بتتفكر فيه كتير، مع إنك أنت عايش معاه بقى فعلا بتحس بأثره في حياتك، أثره فين؟ في حياتك الشخصية، بتلاقي نفسك في المواقف الحياتية العادية بتتفاعل بالقرآن، بتشعر إن أثر القرآن بدأ يظهر في تصوراتك، في سلوكك، في نظرتك للواقع من حولك. عشان كده مسألة أثر القرآن عليك أو الحياة بالقرآن هي أمر فوق مسألة الحفظ والصلاة والتجويد والقراءة والكلام دوت. بمعنى اللي عايز يقول فعلا إن هو صاحب القرآن فلينظر إلى أثر القرآن في حياته العادية. يعني هل فعلا ما هو سهل إن أنا أروح أصلي بالليل بالقرآن تمام، سهل إن أنا أقعد أقرأ قرآن، سهل إن أنا أقعد أحفظ قرآن، لكن لما باجي بواجه الحياة لما باجي بنزل في الشارع لما باجي بتعامل مع الناس هل بجد حضور؟ هل أجد حضور لهذا القرآن في كلامي؟ في سلوكي؟ في تصوراتي؟ في قراراتي؟ في هيئتي؟ في سمتي؟ هل له حضور أم لا؟ إذا كان له حضور فدي أعلى درجات التفاعل مع القرآن وأعلى درجات فعلا التعايش بالقرآن. وأما أن يكون القرآن مجرد محصور في المحراب، محصور في الصلوات، محصور في المصاحف، ثم في الخارج، في الخارج إذا نزلنا إلى الواقع لا نجد أثره لا في سمت ولا في هدي ولا في سلوك ولا في تصورات ولا في قرارات، يبقى في حاجة إيه؟ حاجة غلط، في حاجة غلط هنا، اهو عشان كده أنا لما أقول إن أنا عايز أشوف قصص لناس عاشت مع القرآن هتعمد النهارده ما اتكلمش عن قصص الناس اللي بتصلي بالقرآن لا، مش ده شغلي الشاغل، مش هتعمد النهارده إن أنا أتجنب قصص المحاريب لأن مش هتعمل إن زي ما قلنا كلنا شيوخ في المحراب، كلنا لو صلينا مفيش حد فينا هيهزر ولا هيرقص، كلنا هنصلي، لكن تعال لي بره في الشارع، في الشغل، في كلامك العادي، في تعاملك مع الناس، هل في ثمرة واضحة للقرآن في السلوك ولا لا؟ عشان كده النهارده اتعمد واتكلف إن أنا اختار من قصص السلف كلها بل وقصص الخلف بعض المواقف اللي تدل إن هم وصلوا في تأثرهم بالقرآن إلى إنه بيأثر في كلامهم العادي، سلوكهم العادي، تصوراتهم العادية، الأمثلة العادية بتاعتهم، خلونا نشوف حصل إيه مع الناس ديت عشان نعرف إحنا فين من القرآن، أنا لما أضرب الأمثلة هتعرفوا أنا قصدي إيه، بس القاعدة العامة إن إحنا هنتجنب قصص القيام، قصص الصلاة، مش هي مش هو ده اللي شاغلني دلوقتي، أنا هتكلم عن قصص تفاعل السلف مع القرآن في مواقف مفاجئة، مواقف عادية، مواقف في الحياة، كلام عادي، قد إيه كان فعلاً معاني القرآن مختلطة بلحمهم وعظمهم حتى ظهر منهم الكلام اللي هتسمعوه النهاردة اللي هو بالنسبة لكم هيكون صدمة النهارده، يعني كل مرة إيه بنحاول نعمل لكم صدمة كده، صدمة إن أنت مش حافظ كويس، صدمة إن أنت مش مراجع كويس، صدمة إن إنك مش مصاحب قرآن، صدمة إن إنك مش عايش بالقرآن، النهارده صدمتنا الجديدة إن إحنا مش عايشين يا جماعة بالقرآن، إحنا كلام بس، وأحسن واحد فينا لما بيقوم بيصلي بس، لكن سلوك تصورات أفكار لا، لسه بدري ومحتاجين مجهود كبير شوية.

طيب خلينا نبدأ بأول موقف وهو موقف أنس ابن مالك بيحكي عن موقف حصل لما في المرض الذي مات فيه رسول الله صلى الله عليه وسلم، موقف عجيب يعني، موقف عجيب ممكن إحنا بنقراه بنقراه في السيرة وبيعدي علينا عادي تمام؟ لكن عند التأمل لازم تقف معاه كتير جدا الموقف دوت، فبيحكي أنس بيقول كان أبو بكر يصلي بالناس في وجع النبي صلى الله عليه وسلم الذي توفي فيه حتى إذا كان يوم الاثنين حتى إذا كان يوم الاثنين وهم صفوف في الصلاة، النبي بيمرد في بيت عائشة رضي الله عنها، وطبعا البيت لازق في المسجد، بينه وبين المسجد شد الستارة بقى في المسجد تمام، فهو أنس بيقول كان أبو بكر في الفترة دي بيصلي بالناس ويوم الاثنين بقى اللي هو خلاص كان آخر يوم شافوا فيه النبي عليه الصلاة والسلام، خرج النبي عليه الصلاة والسلام وكشف الستار، كشف النبي صلى الله عليه وسلم ستر الحجرة يعني حجرة عائشة، ينظر إلينا وهو قائم، فطبعا الصحابة اتفتنوا لما شافوا النبي عليه الصلاة والسلام طلع، اتفتنوا لدرجة إن هم وهم بيصلوا بصوا للنبي عليه الصلاة والسلام، حتى كان أنس بيحكي بيقولوا أكيدنا نفتتن في الصلاة يعني كنا هنخرج من الصلاة أصلا عشان نسلم عليه ونقبله آخر قبلة وآخر سلام، ما حدش عارف بكره هيحصل إيه، فهم من شدة الافتتان فعلا وهم بيصلوا تخيل النبي أصلا طلع وحضره عائشة كانت ناحية القبلة، فاللي هو أصلا في القبلة يا دوبك هيعمل كده هيشوفه، فكلهم بصوا عليه عليه الصلاة والسلام، حاجة خارج الإرادة تماما. ف الموقف باختصار بغض النظر عن صعوبة الموقف، لكن عايز آخذ كلمة لأنُس رضي الله عنه وأرضاه لما قال قال فنظرت في وجه النبي صلى الله عليه وسلم فكانه ورقه مصحف، فكان وجه النبي كأنه ورقه مصحف ثم تبسم يضحك صلى الله عليه وسلم، فهممنا أن نفتتن من الفرح، فنكص أبو بكر على عقبيه ليصل الصف، وظن أن النبي صلى الله عليه وسلم خارج إلى الصلاة، فأشار إلينا النبي صلى الله عليه وسلم أن أتم الصلاة وأرخى الستر، فتوفي من يومه صلى الله عليه وسلم، اللي عايز أقف معاه ومنبهر جدا لما أراد أنس أن يوصف جمال وجه النبي عليه الصلاة والسلام قال وشه ووجهه كان عامل زي ورقه المصحف، إيه ما هذا؟ يعني الناس دي لما تحب توصف قمة الجمال، قمة الجمال عندهم هو ورقه المصحف، ورقه التي يكتب فيها القرآن هي أجمل منظر ممكن عين صحابي تقع عليه، لدرجة لما يحب يقول حاجة أجمل ما يمكن، بيقول في عينيا في عينيا شبه ورقه المصحف، يا احنا لما بنحب نوصف الجمال بنقول إيه؟ بنقول زي القمر، بنقول ده ده شبه الممثل فلان، شبه الممثلة فلانه، بنوصف باللي في دماغنا، بنوصف باللي بنتأثر بيه، بنوصف باللي إحنا شايفينه جمال فعلا، القمر والبتاع والسما والشمس و وماشي، ده كويس، في ناس بيوصفوا بالممثلين واللعيبة والفنانين ويقول لك بنتي شبه الممثلة فلانه، ابني شبه الممثل فلان، أنا أقرا صاحبتي شبه الممثلة فلانه، هكذا نصف الجمال، هكذا نصف الجمال لا، لأننا في الحقيقة نتعامل مع صفحة القرآن، صفحة المصحف على إنها عبء، ليست هو المنظر الجميل الذي أراه كل يوم، ده عبء بالنسبة لي، عايز أنجز، عايز أقرا، أخلص وردي، عايز أحفظ بقى وخلصني من الصفحة ديت، عايز أسمع وانتهي، لكن الصحابي بيقول وش النبي عليه الصلاة والسلام وصل لمرحلة من الجمال أنا شايفه كأنه ورقه مصحف، حاجة عجيبة جدا، بتتصف، بتختصر لك 1000 مليون محاضرة في تصور وفي وصف علاقة الصحابة بالقرآن، هذه الكلمة تختصر مجلدات في علاقة الصحابة بالقرآن، علاقة الصحابة بالقرآن تختصر في إنهم وصفوا وجه النبي صلى الله عليه وسلم بأنه ورقه مصحف، خلص الكلام، خد بقى اللي جاي، خد الجمدان اللي جاي، زيد حديث زيد بن ثابت، وكان أنس برضه موجود، زيد بن ثابت زيد بن ثابت بقى يعني زيد زيد بن ثابت يا جماعه الراجل الذي جمع القرآن، حاجة فخمة خالص، فزيد بن ثابت قاعد فـ ااا ااا قاعد مع الصحابة عادي، فبيحكي موقف بيقول تسحرنا مع النبي صلى الله عليه وسلم وكمل كلامه عادي، فالمهم أنس لفته بيقول تسحرنا مع النبي صلى الله عليه وسلم ثم قمنا إلى الصلاة، صلاه الفجر، فأنُس عايز برضه يعرف السنة ماشية إزاي؟ هل هما تسحروا بدري ولا متأخر ولا إيه؟ فقال يا زيد كم كان بين السحور وبين الأذان؟ كم كان بين السحور وبين الأذان؟ تخيلوا إجابة زيد هتكون إيه؟ مين يقول إجابة؟ زيد هيجاوب قد إيه؟ يا ترى يقول خمس دقائق؟ يا ترى هيقول 10 دقايق، يلا اختار اختياراتي الاتيه دقيقتين خمس دقايق 10 دقايق ربع ساعة، تفتكر أنس تفتكر زيد بن ثابت هيجاوب على أنس يقول له إيه؟ دقيقتين خمس دقايق 10 دقايق ربع ساعة، هل زيد أجاب أحد الإجابات، أحد هذه الإجابات، وإذا كان أحد هذه الإجابات فما هي الإجابة الصحيحة؟ أحسنت يا أروى، ممتازة، أحسنت يا حبيبة، أحسنت يا منى، ربنا يبارك فيكم، صح، أحسنتم ذات النقاب، أنتوا جامدين جدا جامدين، بس حافظين بس، إحنا ما بنعملش اللي هما بيقولوه دوت، زيد أجاب إجابة غريبة لأنُس، يعني إجابة بالنسبة لنا غريبة، إجابة لو حد دلوقتي جاوبها هتقول له يعني إيه يعني، فقال زيد لأنُس كان بين السحور وبين الأذان 50 آية، أنا هسألك سؤال دلوقتي، أنا مش مستغرب من إجابة زيد، أنا مستغرب إن أنس ما قالوش يعني إيه، شغل مخك؟ أنا مش مستغرب من إجابة زيد، أنا مستغرب إن أنس ما قالوش يعني إيه، فواضح إن دي لغة عادية، لغة عادية الناس بتتعامل بيها، لغة تدل على إن الناس ديت حياتهم في القرآن، حافظينه بأرقام الآيات، حافظين يعني إيه 50 آية، 50 آية يا جماعة 50 آية يعني حاجة كده ما ما ما أقل حاجة تلات دقايق وأقصى حاجة سبع دقايق، عايز يقول له من تلات دقايق لسبع دقايق تقريبا، هو كان في الحته ديت يعني، يعني لو عدد آيات محدودة مثلا زي أقصر حاجة زي سورة المرسلات نتكلم في خمس دقائق مثلا، أو لو بنتكلم في سورة آياتها طويلة يعني 10 دقائق، يعني عايز يقول له خمس دقائق 10 دقائق كده، من خمس ل 10 دقائق، بس قالها له إزاي؟ قالها له بلغه غريبه، لغه بالنسبة لنا غريبه، يعني إنت تخيل أحد السلف كان يقولون له: كم بين بيتك وبيت فلان؟ كم بين بيتك وبيت فلان؟ قال 100 آية، برضه الغريب إن محدش قال له يعني إيه؟ يعني دلوقتي تخيل لو أنا جيت قلت لك والله إنت بتروح الكليه في قد إيه الصبح؟ فتخيل إنت مثلا جاوبتني قلت لي في 200 آية، أنا رد فعل إيه؟ يعني إنت تخيل قلت لواحد عادي يعني سيبك من علاء حامد، جيت شخص عادي في المجتمع فبيقول لك والله إنت بتروح الكليه في قد إيه؟ قلت له والله بروحها في إيه؟ في في في 200 آية كده هيقول لك نعم صباح الفل، إنت عايز إيه؟ إنت في حاجة، يا إيه يعني في كام يعني؟ يعني يعني إيه يعني اللي إنت بتقوله ده؟ إذا الآية؟ إذا الناس في نقله نوعيه في فهمهم للآية؟ للقرآن، إن المجتمع كله بيقرا كتير، المجتمع ده دليل على حاجة، دليل إن هم متعودين في الطريق بيقروا قرآن، إذا أنا ما بتكلمش في المحراب دلوقتي، ما بتكلمش في الصلاة، لا، ده هو الطبيعي، الناس فاهمه، الناس عادي بمشي في الشارع بقرا قرآن، بروح سكتي بقرا قرآن، وتعالى بقى خد العمق بقى، يعني سيبك من خلاص زيد وأنُس، زيد إجابته عجيبه وأنُس كونه ما استغربش ده أعجب، خد بقى الصدمه بقى، خد الصدمه اللي إنت مش مستوعبها لغايه دلوقتي، أنا عايزك تتخيل إن أنُس إن زيد كان خلص سحور وبدأ يقرا قرآن رغم إن النبي عليه الصلاة والسلام قاعد معاهم، إنت متخيل الموقف؟ يعني إيه؟ يعني أنُس زايد قاعد، تخيل أنا عايز لا، تخيل إنت نفسك، تخيل إنت بتتسحر مع النبي عليه الصلاة والسلام وفي فرصه فاضيه بين السحور وبين وبين الأذان هتعمل فيها إيه؟ هتعمل فيها إيه؟ طبيعي هتتلكك، هتعمل أي حوار، هتتكلم أي كلام بحيث إن إنت تكلم النبي عليه الصلاة والسلام، تروح تقعد جنبه، تتصور معاه، تقول له أي سؤال من دماغك، تفتح أي حوار، عايز بقى قاعد مع النبي يا عم، عايز أتكلم، ده إنت لا مؤاخذه لو قاعد مع شيخ عادي مع داعيه عادي مش هتسيبه في الوقت دوت، هتقعد تتكلم معاه لغايه بعد الصلاه، ده يا رب يصلي بسببك ليه؟ لأن إحنا عندنا مشكله بقى، مجرد ما تلاقي حد مشهور، حد كويس، فعايز إيه؟ عايز أقعد جنبه، الصحابه متعلقين بالقرآن لدرجة إن النبي قاعد وما شغلهمش عن القرآن، يعني النبي قاعد معايا، بيتسحر، وده ما شغلنيش عن القرآن، عادي جدا، النبي عليه الصلاة والسلام قاعد، أنا بدأت أقرا القرآن وهو قاعد، لغايه ما الاقامه جت أو ما الأذان جه، عادي، وهو هو يحب كده عليه الصلاة والسلام، هو بيحب معالي الأمور، فده يدل على علاقتهم الراقيه قوي، لدرجة إن حتى وجود النبي عليه الصلاة والسلام بين أيديهم لم يشغلهم عن كلام الله سبحانه وتعالى، إنت أي حاجة بتحصل حواليك بتشغلك عن القرآن، القرآن آخر اهتماماتك، تخيل بقول لك يعني لو النبي قاعد