عملية طوفان القلوب 💟_ كلام لم تسمعه من قبل و هيفرق معاك كتييير _ م علاء حامد

الحمد لله وأشهد أن لا إله إلا الله وحده لا شريك له، وأشهد أن محمدًا عبده ورسوله صلى الله عليه وسلم. أما بعد، أهلا ومرحبًا بكم في لقاء جديد ولقاء مختلف شوية.

طبيعي لازم نكون كلنا، لا أقول فقط الدعاة ولا أقول فقط العلماء، بل لابد أن يكون كل مسلم في حالة من الانشغال الدائم بأحوال المسلمين. ما ينفعش إننا نكون في أحداث حوالينا وإحنا في حتة تانية مش موجودين، مش حاسين، مش عارفين إيه اللي بيحصل حوالينا. "من لم يهتم بأمر المسلمين فليس منهم"، إن كان حديثًا ضعيفًا لكن معناه صحيح. فلازم إنت بتبقى أصلاً مش بتتكلف الموضوع ده، إنت بتلاقي نفسك مدفوع دفعًا ليه؟ إنت لما بيحصل ألم للمسلمين في أي مكان أو فرحة، بتلاقي نفسك إنت مش قادر، الفكرة مش بتطلع من دماغك، ودي حاجة اللي هنقولها النهارده، إن دي اللي بيحصل له كده يا جماعة، ده فعلا من علامات إيمانه، إنه بيظل طول يومه هو مش عارف يطلع الفكرة من دماغه، هو يومه متلخبط، هو طول النهار بيفكر في الموضوع ده، حتى وهو عاجز، ما بالك لو هو معاهم فعلا؟ رغم إنه عاجز، لكن طول النهار مشغول بيها، كل شوية يفتح موبايله ويشوف إيه أخبار غزة، إيه أخبار الشهداء، إيه أخبار الضرب اللي بيحصل، ويزداد ألمه أو يفرح. يعني أحيانًا بيشوف خبر يفرحه، خبر يحزنه، ممكن في ساعة واحدة يضحك ويبكي، ممكن في ساعة واحدة يضحك ويبكي، يضحك يشوف خبر سعيد، أسرى، ضرب حصل، انتصروا عليهم في معركة، ضربوا جنود، قتلوا جنود، شوية يسمع قذف، مئات الجرحى، مئات القتلى، مئات الشهداء، أطفال اتقتلوا، صواريخ اتضربت، يروح باكي مش عارف يعمل إيه، حاسس إنه في حالة غريبة اليومين دول يا جماعة، خاصة النهارده الوضع غريب، مشاعر متناقضة، إنت مش إنت، مش عارف بتعمل إيه، إنت بتفرح ساعة وتحزن ساعة، إنت بتضحك ساعة وتبكي ساعة، مش عارف يعني المفروض أفرح ولا أحزن، المفروض أضحك ولا أبكي، أنا مش عارف، أنا مش عارف، أنا أنا أنا فكرت كتير قبل ما أطلع اللايف، أنا مش عارف أعمل إيه، أنا إمبارح هطلع لايف، هنتكلم بهجة بقى وهنقول وهنقول وهنقول، النهارده الموضوع اختلف خالص.

الموضوع اختلف، أنا طالع مش عارف أطلع أقول إيه، طب أنا أقول إيه؟ أقول يا جماعة يلا نفرح باللي حصل في اليهود إمبارح ولا نبكي على اللي بيحصل في إخواننا النهارده؟ مشاعر مضطربة، مشاعر متناقضة، بيجتمع في القلب الواحد في اللحظة الواحدة حزن وفرح، ألم وبهجة، حاجة غريبة لا يحتملها القلب العادي. لكن سبحان الله، يعني تبص بزاوية تفرح جدا تقول والله نصر وعزة، وربنا خذل اليهود فعلا، وفضحهم وأذلهم، وكان نفسنا أي حاجة زي كده تدينا أمل وتكسر غرور وكبرياء القوم دول، وفعلا عدد القتلى فيهم وعدد الأسرى منهم حاجة تفرح جدا، يعني دي من المرات النوادر اللي كان فيها ضربة فعلا من غزة مؤلمة ومؤثرة، كل مرة كنا بنقول ضربات ضعيفة والعاقبة بتبقى وخيمة فكنا بنتضايق شوية، لكن المرة دي الضربة فعلا قوية جدا جدا، لكن العاقبة صعبة برضه، يعني الواحد في حيرة، هو بلا شك الضربة تفرح أي مؤمن وتخليه فخور بأهل غزة وفخور بنفسه وفخور بإسلامه وفخور بأمته، حاسس إن رغم كيد الأعداء، رغم كل المكر اللي بيحصل فينا، لسه فينا خير، أدي أهل غزة فيهم خير، أدي الشباب اللي تفاعل، وأدي الناس اللي فرحت، حتى النهارده الجامعة الأمريكية، الجامعة الأمريكية يا جماعة عاملين مظاهرة يعني في في في في عشان فلسطين، الشباب