الخواطر السيئة _ حكمها و ضررها و كيف نتعامل معها _ كلام خطير 👌 _ م علاء حامد

مقدمة الحمد لله وأشهد أن لا إله إلا الله وحده لا شريك له وأشهد أن محمدا عبده ورسوله صلى الله عليه وسلم، أما بعد. أهلا ومرحبا بكم في لقاء جديد من لقاءات لايف يوم الاثنين، آخر لايف اتكلمنا فيه كنا اتكلمنا في موضوع خطير جدا جدا ووعدنا إن احنا نكمله في اللقاء ده أو نتكلم في حتة تانية متعلقة بيه. اتكلمنا المرة الأخيرة في إيه؟ اتكلمنا في الوسواس الذي يصيب الإنسان. الوسواس اللي زي الوسواس القهري، وسواس الطهارة، وسواس في العقيدة، واحد بيعتقد نفسه بيكفر، واحد بيعتقد نفسه بيطلق مراته، واللي بيعتقد إنه ما توضاش ويتوضا تاني وثالث ورابع، وجوه الصلاة يقعد يعيد في في الأيام في تكبير يكبر كتير ويعيد التشهد ويشك في الركعات. كلمنا لايف كامل أكتر من ساعة في القصة دي، وتعلمنا إيه اللي نعمله مع الوسواس ده والحمد لله رب العالمين أظن في ناس كتير استفادوا منه يا رب تكونوا استفدتم منه وناس كتير يعني الدنيا نورت معاهم وقالوا يعني أنا أول مرة أعرف إن أنا الوسواس ده في ميزان حسناتي أصلاً وإن ده وإن ده يعني خير وإن ده رحمة من رب العالمين دليل على الإيمان وإزاي أقدر أتعامل معاه وإزاي أقدر أبقى حازم وحاسم في التعامل مع الوسواس. يمكن تكرار الكلام هيستهلك مننا وقت لكن اللي عايز يرجع للموضوع بتفاصيله يكتب على اليوتيوب كده وسواس ويكتب علاء حامد أو يكتب القضاء النهائي تقريبا سميته القضاء النهائي على وساوس الكفرية ووساوس الطهارة. يعمل سيرش على اليوتيوب هيلاقي الدرس أو على الساوند كلاود لأن الموضوع ده مهم جدا إزاي نتعامل مع الوسوسة.

نقطة إضافية عن الوسواس كان في نقطة مهمة احنا قلنا برضه عايز أضيف نقطة صغيرة كده قبل ما نبدأ موضوعنا النهارده اللي هو قريب منه لكن في باب تاني بس هو يعني إيه مش بعيد عن الوسوسة. وهو إن إحنا قلنا إن الوسوسة دي فاكرين قلنا إن هي عبارة عن أفكار عشوائية بتهجم على دماغك وبتقعد تطرق بشدة الدماغ كده وبتتولد ذاتياً وبتروح ذاتياً فقلنا إن مش الحل فيها أبداً إن إنت تتفاعل معاها لا في العقيدة إن إنت تسأل ولا في الأحكام إن إنت تعمل يعني مت- متقعدش تكرر عشان الوسواس حاجة معينة متروحش تسأل كتير أنا كفرت ولا مكفرتش أنا عملت كذا أنا كده كافر ولا مش كافر غلط مش حل الوسوسة إن أنت تقعد تتفاعل معاها سواء بالسؤال أو بال ب ب بالتفاعل الإيجابي معاها، واتكلمنا بالتفصيل في الموضوع ده، وقلنا الحل المثالي اللي هو قاله النبي عليه الصلاة والسلام في الوسوسة قال فليستعذ بالله ولينتهي فليستعذ بالله ولينتهي، يعني يقول إنسان أعوذ بالله من الشيطان الرجيم ويدخل عن يساره مثلا ثلاث ولينتهي يعني يتوقف فوراً عن التفكير في هذه الوساوس، وده الحل المثالي اللي في الآخر الطب النفسي وصل ليه وجدوا إن إيقاف التفكير هو ده الحل المثالي عشان كده حتى كل الأدوية النفسية اللي اللي بتعطى لمريض الوسواس هي مش بتعالجه في الحقيقة هي في الحقيقة بتعمل خمول بحيث إن هو عقله يبطل يفكر في الأفكار دي هي في النتيجة بتخلي عملية الانتهاء أو التجاهل إجبارية عشان كده للأسف مريض الوسواس لما الموضوع بيهدى معاه بيفتكر إن هو خف فبيبطل الدواء فلما يبطل الدواء بيهجم عليه الوسواس بقوة شديدة يمكن أكتر من الأول لأن الدواء مش ما كانش بيعالج الدواء كان بيساعدك تعمل الحاجة اللي إنت مش عايز تعملها اللي هي التوقف والانتهاء تمام فلذلك الإنسان المفترض إن هو يحاول يعمل الموضوع ده بنفسه يجتهد إن هو يعمله بنفسه إن ينتهي لا يستجيب.

إضافة عن الاستغفار من الوسواس طيب تفاصيل الموضوع ده في اللايف اللي فات اللي عايز أضيفه بس المرة دي ونسيت أقوله في اللايف اللي فات وهو إن بعض الناس وده شفته بعض الناس يقول لك أنا لما بيجيلي الوسواس بستغفر هل ده صح ولا غلط تفتكره؟ يعني لو إن إنسان جاله وسواس، جاله وساوس كفرية مثلا، وساوس كفرية في حق الله تعالى، وساوس فعلا زي ما وصفناها المرة اللي فاتت. هل صح إن هو يعني يستغفر من الوساوس ولا ده مش مش أحسن حاجة؟ اه الاستغفار عموما جميل يعني يعني أكيد أي استغفار حلو بس في الموطن ده بالذات إن إنسان جاله وسواس كفري مثلا فهو استعظمه يعني فهو متفاعلش معاه هو هينتهي خلاص تمام نفترض إن هو هينتهي بس هو راح قعد يستغفر من هذا الوسواس. هل ده تصرف إيجابي في في الحالة دي ولا لأ؟ كويس كده أنتوا بقى بدأ يبقى عندكم إيه؟ وعي سؤال هل النبي عليه الصلاة والسلام قال إن اللي يجيله الوسواس يستغفر؟ أولًا ما قالش كده لما جاء له الراجل قال له أنا بيجيلي في دماغي كلام والله السما تنزل على دماغي أحسن ما أقول الكلام ده فما قالوش استغفر قال له فليستعذ بالله ولينتهي ليه يا جماعة؟ لأن أنا لو استغفرت من الوسواس ده ده دليل على إن أنا بعاتب نفسي وبلوم نفسي وشايف إن أنا مقصر ومذنب لأن الوسواس ده بيجيلي، وإحنا أول حاجة قلناها في اللقاء اللي فات إن الوسواس مش ذنب مش خطيئة مش حاجة تستدعي إن أنت تتوب منها وإنما هو ابتلاء ابتلاء زي مرض البدن ابتلاء ربنا بيبتلي بيه العبد والحل زي ما اتكلمنا المرة اللي فاتت، فهو مش ذنب بل هو أجر زي ما بينا المرة اللي فاتت زي ما ابتلاء البدن ليه أجر ابتلاء العقل اللي هو أصعب ليه أجر، فأنت بتؤجر أصلاً فلماذا تستغفر؟ تمام؟ فالاستغفار ده نوع من التفاعل الإيجابي مع الوسواس اللي هو قلنا ما ينفعش تتفاعل معاه والصح تتجاهله ومن التجاهل إن أنت متستغفرش من الوسواس إنما تستعذ بالله من الوسواس تمام؟ لأن البعض بيعتقد ده الحل يقول أستغفر الله مش عارف الأفكار دي بتيجي أستغفر الله لا إنت كده بتقل بتلوم نفسك وبتقطم نفسك وبتعاتب نفسك وإحنا مش عايزين كده إحنا عايزين إن إحنا نستعذ بالله نبقى أقوياء قدامه نقول له إنت مالكش لازمة إنت تافه إنت حقير إنت لازم تطلع بره إنت مالكش وجود في حياتنا مش هاستغفر منك مش هاحس إن أنا مذنب مش هاحس إن أنا مقصر بسببك واطرده تماما وما تتفاعلش معاه أبدا دي كانت خطرة كده سريعة كنت عايز أكمل بيها الصورة بتاعت المرة اللي فاتت.